Տիգրան Խաչատուրի Ուրիխանյան Քաղաքական Խորհրդի անդամ

«ՇԱՏ ԿՈՒԶԵԻ, ՈՐ ՎԵՐՋԱՊԵՍ ԻՄ ԿՅԱՆՔՈՒՄ ՀԱՅՏՆՎԵՐ ԱՅՆ ՄԵԿԸ, ՈՒՄ ՀԱՄԱՐ ՏԱՐՎԱ 365 ՕՐԸ ԿԴԱՌՆԱՐ Ե՛Վ ՄԱՐՏԻ 8, Ե՛Վ ԱՊՐԻԼԻ 7»

«ՇԱՏ ԿՈՒԶԵԻ, ՈՐ ՎԵՐՋԱՊԵՍ ԻՄ ԿՅԱՆՔՈՒՄ ՀԱՅՏՆՎԵՐ ԱՅՆ ՄԵԿԸ, ՈՒՄ ՀԱՄԱՐ ՏԱՐՎԱ 365 ՕՐԸ ԿԴԱՌՆԱՐ Ե՛Վ ՄԱՐՏԻ 8, Ե՛Վ ԱՊՐԻԼԻ 7»ՏԻԳՐԱՆ ՈՒՐԻԽԱՆՅԱՆ (ԱԺ ԲՀԿ խմբակցության անդամ)

-Կինը չի կարող մեղավոր լինել։

-ՈՒրեմն հաճա՞խ եք ներողություն խնդրում կնոջից։

-Կանանց նկատմամբ երկու զգացմունք ունեմ։ Առաջինը` անսահման հիացմունք, և երկրորդը, անշուշտ, հայցում եմ ներողություն կանանցից իմ և տղամարդկանց բոլոր սխալների համար։

-Օ՜, ես պատկերացնում եմ` օրը քանի անգամ եք ներողություն խնդրում, եթե բոլոր տղամարդկանց մեղքերի համար եք ներողամտություն հայցում։

-Կարծում եմ, Դուք հասկացաք ասածիս անլրջությունը։

-Մեր նախարարների և փոխնախարարների գերակշռող մասը, պարզվում է, հաճախ է ստում կանանց։

-Խոսքը վերաբերում է ամուսինների՞ն, թե՞ պարզապես կանանց։

-Դե, եթե հստակեցնում ենք, եկեք երկու դեպքն էլ դիտարկենք։

-Քանի որ ես դեռ ամուսնացած չեմ, ապա հարցի առաջին մասին կոմպետենտ չեմ։ Ինչ վերաբերում է կանանց, ապա այստեղ պետք է ասելիքս լրջացնեմ` չեմ սիրում սուտը և, բնականաբար, չեմ սիրում ստել։ Եվ ոչ թե նրա համար, որ ես շատ լավն եմ և փորձում եմ ապրել պատվիրաններով, այլ պարզապես դրանում է իմ ազատությունը։ Ես ոչ մեկին պարտք չեմ, առավել ևս կանանց, բացի մեկ բանից` հիանալ, գովերգել նրանց, և այդպես էլ անում եմ։ Եվ քանի որ որևէ մեկի նկատմամբ պարտականություն չունեմ, հետևաբար պարտադրված չեմ ստելու` առաջին հերթին կանանց։

-Բնական է, քանի որ ամուսնացած չեք, գուցե դրանով է պայմանավորված, որ չեք ստում կանանց։

-Ամեն դեպքում ստելը իմ սկզբունքների մեջ չի մտնում։

-Դե, քանի որ Դուք այդքան կնամեծար եք, ուրեմն միամսյակը Ձեզ համար պարտավորություն չէ։

-Շատ կուզեի, որ վերջապես իմ կյանքում հայտնվեր այն մեկը, ում համար տարվա 365 օրը կդառնար և՛ մարտի 8, և՛ ապրիլի 7։ Ամեն օրը կփորձեի տոն դարձնել այն միակի համար, ում կնվիրեմ սիրտս, և իմ ընտանիքի մյուս կին անդամների համար։

-Ձեր այս խոստովանությունից հետո, կարծում եմ, կանանց հերթեր կարող են գոյանալ։

-Դեռ հերթեր չեն գոյացել։

«Իրատես դե ֆակտո» թերթ 05.04.2013թ


Tigran Urikhanyan Forum

սպասեք...